Mwy amdanom ni |
|
Cafodd Llinell Gymorth Camdriniaeth yn y Cartref Cymru, fel yr oedd yn cael ei galw’n wreiddiol, ei lansio ar 1 Ebrill 2004. Gyda chyllid gan Lywodraeth Cymru, y Gronfa Loteri Fawr a Comic Relief, roedd y Llinell Gymorth ar agor 12 awr y dydd yn wreiddiol. Fodd bynnag, ers mis Ionawr 2007, mae’r llinell bellach ar agor 24 awr y dydd. Ym mis Ionawr 2012, ar ôl ehangu gwasanaethau’r Llinell Gymorth, cafodd ei hailenwi’n Llinell Gymorth Camdriniaeth yn y Cartref a Thrais Rhywiol Cymru Gyfan. Ym mis Rhagfyr 2008, llwyddodd y Llinell Gymorth i ennill Achrediad Nod Ansawdd y Gymdeithas Llinellau Cymorth. Y Llinell Gymorth hon yw’r cyntaf yng Nghymru i gael ei hachredu, a’r Llinell Gymorth Camdriniaeth yn y Cartref a Thrais Rhywiol Genedlaethol gyntaf i ennill y wobr arbennig hon am gynnig gwasanaethau o’r safon uchaf. Mae’r Llinell Gymorth wedi derbyn dros 215,000 o alwadau ers iddi fynd yn fyw yn 2004. |
